ରାଜ୍ୟ ପୋଲିସ ପ୍ରଶାସନରେ ବଡ଼ ଅଦଳବଦଳ: ବଦଳିଲେ ଅନେକ ଜିଲ୍ଲାର ଏସପି, ଜାଣନ୍ତୁ କାହାକୁ ମିଳିଲା କେଉଁ ଦାୟିତ୍ୱ

ବ୍ୟୁରୋ ରିପୋର୍ଟ 

ଭୁବନେଶ୍ୱର: ଗତ କିଛି ଦିନ ହେଲା ଓଡ଼ିଶାରେ ଆଇନଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ହୋଇପଡ଼ିଛି। ଗୋଷ୍ଠୀ ସଂଘର୍ଷ, ହତ୍ୟା, ଗୁଣ୍ଡା ଗର୍ଦି ଦିନକୁ ଦିନ ବଢ଼ିବାରେ ଲାଗିଛି । ଲାଗୁଛି ଅପରାଧୀ ଯେମିତି ପୋଲିସକୁ ଦିନ ଦ୍ବିପହରରେ ଖୋଲା ଚ୍ୟାଲେଞ୍ଜ ଦେଇ ଅପରାଧ ଘଟାଉଛନ୍ତି !ଗୃହ ବିଭାଗର ଏହା କିଛି ଦିନ ହେଲା ମୁଣ୍ଡ ବ୍ୟଥାର କାରଣ ହୋଇଛି । ଏହାକୁ ଗୁରୁତର ମନେ କରି ରାଜ୍ୟ ପୋଲିସ ପ୍ରଶାସନରେ ଏକ ବଡ଼ ଧରଣର ଅଦଳବଦଳ କରାଯାଇଛି। ଓଡ଼ିଶା ସରକାରଙ୍କ ଗୃହ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ସଂଖ୍ୟା ୧୮୦୫୭/ଆଇପିଏସ୍ (HOME-IPS-TRS-0001-2016) ଅନୁସାରେ, ୧୮ ଜଣ ବରିଷ୍ଠ ଆଇପିଏସ୍ ଏବଂ ଓପିଏସ୍ ଅଧିକାରୀଙ୍କୁ ନୂତନ ପଦବୀରେ ଅବସ୍ଥାପିତ କରାଯାଇଛି। ଏଥିରେ ଗଞ୍ଜାମ, ଖୋର୍ଦ୍ଧା, ରାୟଗଡ଼ା, ନବରଙ୍ଗପୁର ଓ ବୌଦ୍ଧ ଭଳି ପ୍ରମୁଖ ଜିଲ୍ଲାର ଏସପି (SP) ମାନେ ସାମିଲ ଅଛନ୍ତି।

ଅତିରିକ୍ତ ଶାସନ ସଚିବ ତ୍ରିଲୋଚନ ମାଝୀଙ୍କ ସ୍ୱାକ୍ଷରରେ ଜାରି ହୋଇଥିବା ଏହି ନିର୍ଦ୍ଦେଶନାମାକୁ ସୂଚନା ଓ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ସ୍ମାରକପତ୍ର ସଂଖ୍ୟା ୧୮୦୫୬/ଆଇପିଏସ୍ ଏବଂ ୧୮୦୫୮/ଆଇପିଏସ୍ ଜରିଆରେ ଗୃହ ମନ୍ତ୍ରଣାଳୟ (ଭାରତ ସରକାର), ମାନ୍ୟବର ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଓ ପ୍ରଧାନ ମହାଲେଖାକାରଙ୍କ ସମେତ ସମସ୍ତ ସମ୍ପୃକ୍ତ ବିଭାଗକୁ ପ୍ରେରଣ କରାଯାଇଛି।

ବଦଳି ହୋଇଥିବା ଅଧିକାରୀଙ୍କ ସମ୍ପୂର୍ଣ୍ଣ ତାଲିକା:

ପ୍ରମୁଖ ଆଇପିଏସ୍ ଓ ଓପିଏସ୍ ଅଧିକାରୀଙ୍କ ନୂତନ ନିଯୁକ୍ତି ତାଲିକା:

ମଡକର ସନ୍ଦୀପ ସମ୍ପତ: ନବରଙ୍ଗପୁର ଏସପି ପଦବୀରୁ ବଦଳି ହୋଇ କଟକ ସିଆଇଡି-ସିବି (CID-CB) ର ଡି.ଆଇ.ଜି. (DIG) ଭାବେ ନିଯୁକ୍ତ ହୋଇଛନ୍ତି।

ପରମାର ସ୍ମିତ ପରଷୋତ୍ତମଦାସ: ସିଆଇଡି, ସିବି ଏସପି ପଦବୀରୁ ହଟାଯାଇ ତାଙ୍କୁ ନୟାଗଡ଼ ଏସପି ଭାବେ ଦାୟିତ୍ୱ ଦିଆଯାଇଛି।

ବିବେକାନନ୍ଦ ଶର୍ମା: ଖୋର୍ଦ୍ଧା ଏସପି ପଦବୀରୁ ବଦଳି ହୋଇ କଟକ ସିଆଇଡି, ସିବି ର ଏସପି ଭାବେ କାର୍ଯ୍ୟଭାର ସମ୍ଭାଳିବେ।

ସ୍ୱାତୀ ଏସ. କୁମାର: ରାୟଗଡ଼ା ଏସପି ପଦବୀରୁ ବଦଳି ହୋଇ ଭୁବନେଶ୍ୱର ଏସଟିଏଫ (STF) ଏସପି ଭାବେ ନିଯୁକ୍ତ ହୋଇଛନ୍ତି।

ଶ୍ରୀ ପ୍ରହ୍ଲାଦ ସହାୟ ମୀନା: ବରଗଡ଼ ଏସପି ପଦବୀରୁ ବଦଳି ହୋଇ ଗଜପତି ଏସପି ଭାବେ ନୂତନ ଦାୟିତ୍ୱ ପାଇଛନ୍ତି।

ଏସ. ସୁଶ୍ରୀ: ନୟାଗଡ଼ ଏସପି ପଦବୀରୁ ବଦଳି ହୋଇ ଭଞ୍ଜନଗର (ଭିଜିଲାନ୍ସ) ଏସପି ଭାବେ ଅବସ୍ଥାପିତ ହୋଇଛନ୍ତି।

ରାଜ ପ୍ରସାଦ: ସ୍ପେଶାଲ ସ୍କ୍ୱାଡ୍ ଏସପି ପଦବୀରୁ ବଦଳି ହୋଇ ରାୟଗଡ଼ା ଏସପି ଭାବେ ଦାୟିତ୍ୱ ଗ୍ରହଣ କରିବେ।

ଶୁଭେନ୍ଦୁ କୁମାର ପାତ୍ର: ଗଞ୍ଜାମ ଏସପି ପଦବୀରୁ ବଦଳି ହୋଇ ସେ ଖୋର୍ଦ୍ଧା ଏସପି ଭାବେ ନୂତନ କାର୍ଯ୍ୟଭାର ଗ୍ରହଣ କରିବେ।

ରାହୁଲ ଗୋୟଲ: ବୌଦ୍ଧ ଏସପି ପଦବୀରୁ ବଦଳି ହୋଇ ସ୍ପେଶାଲ ସ୍କ୍ୱାଡ୍ ର ଏସପି ଭାବେ ନିଯୁକ୍ତି ପାଇଛନ୍ତି।

ହରିଶା ବି. ସି.: କନ୍ଧମାଳ ଏସପି ପଦବୀରୁ ବଦଳି ହୋଇ ସେ ଗଞ୍ଜାମର ନୂତନ ଏସପି (SP) ଭାବେ କାର୍ଯ୍ୟ କରିବେ।

କାଶ୍ୟପ ପାର୍ଥ ଜଗଦୀଶ: ଭଦ୍ରକର ଅତିରିକ୍ତ ଏସପି ପଦବୀରୁ ପଦୋନ୍ନତି/ବଦଳି ହୋଇ ନବରଙ୍ଗପୁର ଏସପି ଭାବେ ନିଯୁକ୍ତ ହୋଇଛନ୍ତି।

କୁଲଦୀପ ମୀନା: ମାନ୍ୟବର ରାଜ୍ୟପାଳଙ୍କ ଏଡିସି (ADC) ପଦବୀରୁ ବଦଳି ହୋଇ ବୌଦ୍ଧ ଏସପି ଭାବେ ଦାୟିତ୍ୱ ପାଇଛନ୍ତି।

ରମେନ୍ଦ୍ର ପ୍ରସାଦ: ରାୟଗଡ଼ାର ଅତିରିକ୍ତ ଏସପି ପଦବୀରୁ ବଦଳି ହୋଇ କନ୍ଧମାଳ ଏସପି ଭାବେ ନିଯୁକ୍ତ ହୋଇଛନ୍ତି।

ଅନନ୍ୟା ଅୱସ୍ତି: କଟକ ଏସିପି (ACP) ପଦବୀରୁ ବଦଳି ହୋଇ ମାନ୍ୟବର ରାଜ୍ୟପାଳଙ୍କ ନୂତନ ଏଡିସି (ADC) ଭାବେ ଦାୟିତ୍ୱ ତୁଲାଇବେ।

କୃଷ୍ଣ ପ୍ରସାଦ ପଟ୍ଟନାୟକ (OPS): ସିଆଇଡି, ସିବି ଏସପି ପଦବୀରୁ ବଦଳି ହୋଇ ସିଗନାଲ୍ସ ଏସପି ଭାବେ କାର୍ଯ୍ୟ କରିବେ।

ରବୀନ୍ଦ୍ର ନାଥ ଶତପଥୀ (OPS): ଭୁବନେଶ୍ୱର ଏସଟିଏଫ (STF) ଏସପି ପଦବୀରୁ ବଦଳି ହୋଇ ବରଗଡ଼ ଏସପି ଭାବେ ନୂତନ ଦାୟିତ୍ୱ ପାଇଛନ୍ତି।

କୃଷ୍ଣ ପ୍ରସାଦ ଦାସ (OPS): ସ୍ପେଶାଲ ସ୍କ୍ୱାଡ୍ ଏସପି ପଦବୀରୁ ବଦଳି ହୋଇ ରାଉରକେଲା ଏସଆରପି (SRP) ଭାବେ ଅବସ୍ଥାପିତ ହୋଇଛନ୍ତି।

କିଶୋର ଚନ୍ଦ୍ର ମୁଣ୍ଡ (OPS): ଭୁବନେଶ୍ୱର-କଟକ କମିଶନରେଟ୍ ପୋଲିସର ଡିସିପି (DCP) ସ୍ପେଶାଲ ସ୍କ୍ୱାଡ୍ ପଦବୀରୁ ବଦଳି ହୋଇ ଦେବଗଡ଼ ଏସପି ଭାବେ ନିଯୁକ୍ତ ହୋଇଛନ୍ତି।

ପ୍ରଶାସନିକ କାର୍ଯ୍ୟଧାରାକୁ ଅଧିକ କ୍ରିୟାଶୀଳ ଓ ଶୃଙ୍ଖଳିତ କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଏହି ବଡ଼ ପଦକ୍ଷେପ ନିଆଯାଇଥିବା ଜଣାପଡ଼ିଛି। ସମସ୍ତ ଅଧିକାରୀଙ୍କୁ ତୁରନ୍ତ ନିଜ ନିଜର ନୂତନ ପଦବୀରେ କାର୍ଯ୍ୟଭାର ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି।