ଭଞ୍ଜନଗର -(ମାଗୁଣି ମିଶ୍ର ) : ୮୦ ତମ ସ୍ୱାଧୀନତା ଦିବସ ପାଳନ ପରିପ୍ରେକ୍ଷୀରେ ଅଦ୍ୟ ସମୟରେ ଭଞ୍ଜନଗର ଜେଲ ପଡିଆ ଠାରେ ଉପଜିଲ୍ଲାପାଳ ଉମାଶଙ୍କର ବେହେରା ଜାତୀୟ ପତାକା ଉତ୍ତୋଳନ କରି ସାମୁହିକ ପ୍ୟାରେଡରେ ଅଭିଭାଜନ ଗ୍ରହଣ କରିଥିଲେ।
ସେହିପରି ନାୟକ ଭବନ ପରିସରରେ ଘୁମୁସର ବରିଷ୍ଠ ନାଗରିକ ମଞ୍ଚର ସଭାପତି ସୋମନାଥ ନାୟକ ଜାତୀୟ ପତାକା ଉତ୍ତୋଳନ କରିଥିବା ବେଳେ ବେଲଗୁଣ୍ଠା ରୋଡରେ ଥିବା କାନାରା ବ୍ୟାଙ୍କ ଠାରେ କଳିଙ୍ଗନଗରର ବରିଷ୍ଠ ନାଗରିକ ତଥା ସାମ୍ବାଦିକ ମାଗୁଣି ମିଶ୍ର ଜାତୀୟ ପତାକା ଉତ୍ତୋଳନ କରି ଉପସ୍ଥିତ ଜନତାଙ୍କୁ ଉଦବୋଧନ ଦେଇଥିଲେ। ଏହିପରି ଭାବେ ସହରର ସତ୍ୟସାଇ ବିଦ୍ୟାବିହାର, ସରସ୍ବତୀ ଶିଶୁ ମନ୍ଦିର, କଳିଙ୍ଗନଗର ଦ୍ୱତୀୟ ଗଳି ଠାରେ ଜାତୀୟ ପତାକା ଉତ୍ତୋଳନ କରାଯାଇ ଉପସ୍ଥିତ ଜନତା ଓ ଛାତ୍ରଛାତ୍ରୀଙ୍କୁ ଉଦବୋଧନ ପ୍ରଦାନ କରାଯାଇଥିଲା। ସେହିପରି ସହରର ଅନ୍ୟାନ୍ୟ ଅଫିସ ଓ ଅନୁଷ୍ଠାନ ମାନଙ୍କରେ ମଧ୍ୟ ଜାତୀୟ ପତାକା ଉତ୍ତୋଳନ କରାଯାଇ ୮୦ ତମ ସ୍ୱାଧୀନତା ଦିବସ ପାଳନ କରାଯାଇଥିଲା।
